❗️🇺🇸🇺🇦 АҚШ Зеленскийни лавозимдан кетишга мажбурлаши мумкин — Сеймур Херш

❗️🇺🇸🇺🇦 АҚШ Зеленскийни лавозимдан кетишга мажбурлаши мумкин — Сеймур Херш

Америкадаги машҳур журналист Сеймур Хершнинг таъкидлашича, агар Украина президенти Владимир Зеленский ўз ихтиёри билан лавозимини тарк этмаса, АҚШ уни кетишга мажбурлаши мумкин.

Унга кўра, АҚШ маъмуриятида Зеленскийнинг ҳокимиятда қолиши Украинадаги вазиятни ёмонлаштиришини англаб етаётганлар бор. Шу сабаб, Вашингтон Киевда янги етакчини кўришни истамоқда.

Украина Қуролли кучларининг собиқ бош қўмондони, Украинанинг Лондондаги элчиси Валерий Залужний бир неча ой ичида Владимир Зеленский ўрнини эгаллаши мумкин, деб даъво қилмоқда америкалик тадқиқотчи журналист, Пулицер мукофоти совриндори Сеймур Херш манбаларга таяниб.

"Залужний ҳозир Зеленскийнинг энг ишончли вориси сифатида кўрилмоқда. Вашингтондаги билимдон амалдорлар менга бу иш бир неча ой ичида уники бўлиши мумкинлигини айтишди", - дейди нашр.

Унинг сўзларига кўра, агар Киев режими раҳбари кетишдан бош тортса, бу катта эҳтимол билан, бунга мажбур бўлади. Журналист таъкидлаганидек, АҚШда ҳам, Украинада ҳам Владимир Путин билан келишувга эришиш имкони бор экан, можаронинг авж олишини тўхтатиш керак, деб ҳисоблайдиганлар кўп.

Зеленскийнинг ваколат муддати ўтган йилнинг 20-майида тугаган. Украинада 2024 йилги президентлик сайловлари ҳарбий ҳолат ва умумий сафарбарлик сабаб бекор қилинди. Киев режими раҳбарининг таъкидлашича, ҳозир овоз беришнинг мавриди эмас.

АҚШ президенти Доналд Трамп Киев режими раҳбарини “сайловсиз диктатор” деб атаб, унинг рейтинги тўрт фоизгача тушиб кетганини айтган эди.