Мажбурий ижро бюросининг Сурхондарё ва Хоразм вилоятлари бошқармаларига янги раҳбарлар тайинланди.

Ўзбекистон Республикаси Бош прокурорининг буйруғи билан адлия катта маслаҳатчиси Тўхта Зикирович Қурбонов Мажбурий ижро бюроси Сурхондарё вилояти бошқармаси бошлиғи лавозимига тайинланди. Мазкур тайинловга қадар, Т.Қурбонов Сурхондарё вилояти прокурорининг ўринбосари лавозимида фаолият юритиб келаётган эди.

Худди шунингдек, Бош прокурорнинг тегишли буйруғи билан адлия кичик маслаҳатчиси Азамат Пайзилович Халмуратов Бош прокуратура ҳузуридаги Мажбурий ижро бюроси Хоразм вилояти бошқармаси бошлиғи лавозимига тайинланди. Мазкур тайинловга қадар, А.Халмуратов Бюронинг Сурхондарё вилоят бошқармаси бошлиғи лавозимида фаолият юритиб келаётган эди.